SHUGABAN KASA MUHAMMADU BUHARI YA NADA SABON BABBAN SUFETON ‘YAN SANDA

Shugaban kasa Muhammad Buhari ya nada sabon mai rikon mukamin babban sufeton ‘yan sandan Najeriya Alhaji Muhammad Adamu

An dai nada Alhaji Muhammad Adamu kan wannan mukami domin maye gurbin Ibrahim Idris  wanda wa’adin sa ya kare a yau Talata bayan da ya cika shekaru 60 cif a duniya.

Tun da safiyar yau Talata akaa rawaito cewar an ga fuskar sabon babban sufeton ‘yan sandan a fadar shugaban kasa ta Villa dake abuja, inda ya gana da shugaba Muhammadu Buhari.

Kakakin rundunar Jimoh Moshood shi ne ya tabbatar da wannan nadi cikin wata sanarwa da aikewa manema labarai dazu-zadu a Abuja.