Yanzu Ya Kamata Buhari Ya Yi Murabus – Inji Tsohon Sanata

Tsohon sanata a jamhuriya ta biyu, farfesa Banji Akintoye ya bukaci shugaban kasa Muhammadu Buhari da ya yi murabus ba tare da bata lokaci ba.
A cewar Akintoye, shugaba Buhari ya gama nunawa duniya cewa ba zai iya shugabancin Nijeriya ba, a don haka ba sai ya jira zabe mai zuwa ba.
Farfesan ya yi wannan kira ne a jiya Laraba yayin da ya bayyana a shirin siyasa na gidan talabijin na Channels.
Ya ce idan da zai iya ganin Buhari ido da ido, da abun da zai fara fada masa kenan.
Ya ce Buhari bai fahimci Nijeriya ba, bai damu da wahalar da ‘yan cikin ta ke fama da shi ba kuma bai san komai game da tattalin arziki ba.