Buhari yayi alkawari ga ma’aikata kan albashinsu

-Buhari yayi jawabi a yau ranan murnan zagayowar ranan kwadago ta duniya
-Gwamnatin tarayya a ranan Litinin tayi alkawari ya ma’aikatan Najeriya akan Karin kudin albashinsu.

Shugaban Muhammadu Buhari ya bayyana wannan ne a sakon sa ga ma’aikata a yau ranan murnan ma’aikatan duniya.

Yace: “ Ina farin cikin sanar da ku cewa gwamnati zata gaggauta rahoton da aka bamu ranan 6 ga watan Afrilun 2017.

“Gwamnatin zata dau matakai wajen tabbatar da aiwatar da rahoton kwamitin da aka nada domin duba al’amarin Karin albashi.

“Za’ayi wannan ne saboda rage halin kuncin da ma’aikata ke fuskanta a Najeriya."

“Ina son in tabbatar muku da cewa gwamnati zata cigaba da yin duk abinda ya kamata wajen bunkasa rayuwan yan Najeriya kuma mafi muhimmanci shine karfafa albashin su.”